LinkBack URL
About LinkBacks
بو تاپیک ده آذربایجان بایاتیلاری یازیلاجاق
سیزده بیزه قوشولون
(*Shams-türk (Thursday 26 August 2010-1)
بایاتیلار
قارا دنیز قارادی
اوره ییمیز یارادی
بو آمان سیز یول لارین
سونو گورون هارادی
***
عزیزیم ، گول الللر،
آغ بیلکلر ،گول الللر،
دریاجا عقلین اولسا ،
یوخسول اولسان گولللر.
***
آپاردی چایلار منی ،
هفته لر ، ایلار منی ،
یوکوم قورقوشوم یوکی،
یوردو بو تایلار منی.
***
من عاشیقام هر آیلار
هر اولدوزلار ،هر آیلار
بوردا بیر گول بیتیبدی،
سوسوزوندان هارایلار.
***
من عاشیقام هر آیلار،
هر اولدوزلار هر آیلار،
باشیم جلاد الینده ،
دیلیم سنی هارایلار.
***
قاشلارین قیبله گاهدی،
قیبله دئسم گوناهدی،
داغلارا دومان چوکسه،
او داغ من چکن آهدی.
***
عاشیق سوزون گیزله در،
سوزون دوزون گیزله در،
سن چمنه چیخاندا ،
لاله اوزون گیزله در.
***
گوزلرین خومار ایندی،
یاش توکر یومار ایندی،
توک زولفون سینن اوسته،
گورن نار اومار ایندی.
(*Shams-türk (Thursday 26 August 2010-1), ARAZ (Thursday 10 July 2008-1), gelecek bizimdir (Thursday 10 July 2008-1), jahan (Friday 11 December 2009-1)
آچیلارام گول کیمی،
اوخورام بولبول کیمی،
گویولومه دگن اولسا،
ساراللام سونبول کیمی.
***
من عاشیق گول آنباری،
گول اکدیم،گول انباری،
هیجران قویماز گوز آچام،
درد قویماز گولم باری
***
من عاشیق باشدان یارا ،
آرتیبدیر باشدان یارا،
منی حسرت یاراتدی،
یاردان باشدان یارا.
***
آغلارام آغلار کیمی،
دردیم وار داغلار کیمی،
خزان اولدوم توکولدوم،
ویرانه باغلار کیمی.
***
دومانلی داغلار گویلوم،
نیسکیللی باغلار گویلوم،
نه آچیلار،نه گولر،
همیشه آغلار گویلوم.
***
غوربته دوشدو یولوم،
دوشمن آلیب ساغ- سولوم،
ائلدن آیری دوشه لی،
بو خوولانیبدی قولوم.
***
من عاشیق آه و زاردا،
جانیم درتده آزاردا،
او گوندن کی قول اولدوم،
ساتیلیدم هر بازاردا .
***
عزیزیم وطن یاخچی،
کوینکی کتان یاخچی،
غوربت یئر جنت اولسا،
یئنه ده وطن یاخچی.
(*Shams-türk (Thursday 26 August 2010-1), gelecek bizimdir (Thursday 10 July 2008-1), jahan (Friday 11 December 2009-1)
عزیزیم دیلن گز،
باغدا گوله دیلن گز،
غوربتده خان اولونجا،
وطنینده دیلن گز.
***
فلکین داد الیندن،
اولمادیم شاد الیندن،
یامان یئرده ییخیلیدم،
توتمادی یاد الیمدن.
***
سو تک آرخا دولاندیم،
ساپ تک چارخا دولاندیم،
ظالیم فلک الیندن،
قورخا -قورخا دولاندیم.
***
باهاسیز داشدی دونیا،
چوروک آغاجدی دونیا،
کیمه دئییم دردیمی ،
بوتون قان یاشدی دونیا.
***
عاشیقین هاراییندان،
ائل یاتماز هاراییندان،
گونده بیر کرپیچ دوشور،
عومورومون ساراییندان .
***
لای- لای دئدیم یاتاسان،
قیزیل گوله باتاسان،
قیزیل گولون ایچینده،
شیرین یوخو تاپاسان.
***
لا- لای بئشیگیم لا- لای،
ائویم- ائشیگیم لا- لای،
سن یات شیرین یوخودا،
چکیم کئشیگین لا- لای.
***
ننه م ،او نازلی قویون،
قرقاوول گوزلو قویون،
پنیری کسمه- کسمه ،
قاتیقی اوزلی قویون.
(*Shams-türk (Thursday 26 August 2010-1), gelecek bizimdir (Thursday 10 July 2008-1), jahan (Friday 11 December 2009-1)
ننه م، او خاللی گئچی،
ممه سی باللی گئچی،
اوجا قایا باشیندا،
توتوبدی یاللی گئچی.
***
عاشیق سوزگون گوزلریم،
غمدن اوزگون گوزلریم،
گوزلدن دویا بیلمز،
باخسا یوز گون گوزلریم.
***
باغلاریندا اوزوم وار،
گئتمه دایان سوزوم وار،
گوزلریندن قورخورام،
قاشلاریندا گوزوم وار.
***
عاشیق گلیر سازی وار،
غمزه سی وار نازی وار،
هر باهارین بیر قیشی،
هر قیشین بیر یازی وار.
***
ای زامانا، زامانا،
اوخو قویدون کامانا،
ائششکلر آرپا یئییر،
آت حسرتدور سامانا.
***
آغ آلما،قیزیل آلما،
نیمچه یه دوزول آلما ،
چیرکین آل نجیب اولسون،
بد اصیل گوزل آلما.
***
عزیزیم کاساد اولماز،
مرد الی کاساد اولماز،
یوز نامردین چوره یین،
دوغراسان کاسا دولماز.
***
من عاشیق دالداسینا،
مرد ایگیت دالداسینا،
نامرد آصلان اولسادا،
سیغینما دالداسینا.
***
عزیزیم آی اوتانماز،
گون دوغار آی اوتانماز،
پیسین پیس عمللرین،
اوزونه سای، اوتانماز.
***
اوز ه رلیک سن هاواسان،
هر بیردرده داواسان،
درد قاپیدان گلنده،
سن باجادان قووارسان.
(*Shams-türk (Thursday 26 August 2010-1), gelecek bizimdir (Thursday 10 July 2008-1), jahan (Friday 11 December 2009-1)
بایاتیلار
گؤی اوزونده پرده سن
سالدین منی درده سن
من سنی چوخ سئویرم
گؤیده آللاه یئرده سن
**********
بو گلن جانین اولسون
گلسین مهمانین اولسون
هارا گئتسن تئز قاییت
جانیم قوربانین اولسون
*******
باغیندا ، شیرین ، نه وار ؟
یئمه لی شیرین نه وار ؟
گزسن جمله جهانی
سئوگی دن شیرین نه وار ؟
**********
دوزلی قیزام دوزدانام
مین درده من درمانام
هاممی منیم قوربانیم
من دیلیمه قوربانام
آدین سنین رباب دی
*********
کونول سنه کباب دی
بیر گل بیزه سن قوناق
سنسیز حالیم خراب دی
(*Shams-türk (Thursday 26 August 2010-1), gelecek bizimdir (Thursday 10 July 2008-1), jahan (Friday 11 December 2009-1)
بایاتیلار
داغ باشین دولو گؤزلر
ساغ گئدن سولو گؤزلر
گونلر کئچر غربت ده
یار یاتماز یولو گؤزلر
****
چن گئدیر چمن اوسته
دوشور یاسمن اوسته
یار نه واخت بیزه گلسه
یئری وار سینم اوسته
****
عزیزیم هئی دردیمی
بو گلن حیدر دی می ؟
کاش آنام ساغ اولایدی
چکئیدی هئی دردیمی
****
عزیزی یم گینه سن
صفا گلدین گینه سن
فیکریم ، ذیکریم ، خیالیم
سنسن ، سنسن ، گینه سن
***
داغ باشیندا سار منم
قلبی قره تار منم
دییللر یار کوسوبدی
حتما گوناهکار منم
(*Shams-türk (Thursday 26 August 2010-1), ARAZ (Thursday 10 July 2008-1), gelecek bizimdir (Thursday 10 July 2008-1), jahan (Friday 11 December 2009-1)
بایاتی لار
عزیزی یم گول باغدا
بولبول باغدا گول باغدا
سن سیز باغا گیرمه رم
خزل اولسا گول باغدا
****
داغ باشیندا قار قالا
دومان کئچه ، قار قالا
بیر آرزوم وار اوره کده
من اولسم ده یار قالا
****
گل گئدک دولان باغی
گول لری سولان باغی
پروانه دن اؤیرندیم
باشینا دولانماغی
***
باغچالاردا باد قالدی
دوست چکیلدی یاد قالدی
یار قیسمتیم اولمادی
اوستومده بیر آد قالدی
(*Shams-türk (Thursday 26 August 2010-1), ARAZ (Thursday 10 July 2008-1), gelecek bizimdir (Thursday 10 July 2008-1), jahan (Friday 11 December 2009-1)
Su gələr daşa dolar
Qar yağar qaşa dolar
Yar yardan ayrılanda
Gözləri yaşa dolar
********************************
Qış dolanar yaz olar
Göldə ördək qaz olar
Hər nə desən qıza de
Gəlin kələk baz olar
(*Shams-türk (Thursday 26 August 2010-1), azarbayjan (Tuesday 13 January 2009-1), jahan (Friday 11 December 2009-1), tarkan (Tuesday 13 January 2009-1), yurd sevan (Tuesday 13 January 2009-1)
Bölmədə hüquqlarınız
Reply With Quote