Uşağlar mahnilari

**yurd sevan** · Tuesday 21 October 2008-1 05:30 PM

Ad günü
Bu axşam evdə
Böyük şənlik var
Anam bişirmiş
Dadlı qoğallar.
Gülür, sevinir
Bacım, qardaşım
Tamam olubdur
Bu gün beş yaşım.

Atam həvəslə
Dindirir tarı.
Bacım geyinmiş
Güllü paltarı.
Gülür, sevinir
Bacım, qardaşım
Tamam olubdur
Bu gün beş yaşım

**yurd sevan** · Tuesday 21 October 2008-1 05:32 PM

Ayı
Yol verin, ayı gəlir,
Qocalmış dayı gəlir.
Qıztək örtmüş başına
Ağ kələğayı gəlir.

Əlində var çomağı,
Qarşılayaq qonağı.
Başlayaq onunla biz
Oynayıb oxumağı.

Mənim ayım; öz ayım,
Sən ey qaragöz ayım,
Nə yaxşı oynayırsan,
Olmaz sənə söz, ayım..

**yurd sevan** · Tuesday 21 October 2008-1 05:33 PM

Alma
Ağ alma, göyçək alma,
Açmısan çiçək, alma.
Bağda sənə baxmayıb,
Biz necə keçək, alma!

Ağ alma, sarı alma,
Bağların barı alma,
Şirin-şəkər kimisən,
Bax mənə sarı, alma.

Ağ alma, qızıl alma,
Saplaqdan üzül alma.
Bizə qonaq gələndə,
Boşqaba düzül, alma.

**yurd sevan** · Tuesday 21 October 2008-1 05:35 PM

Ana və qız
Dilarənin anası
Adlı-sanlı neftçidir.
Neft uğrunda yarışda
Həmişə birincidir.

O, qabaqcıl olmuşdur
Hər bir zaman işində,
Şanlı Lenin ordeni
Parıldayır döşündə.

Dilarə deyir: ondan
Geri qalsam mən əgər,
Bütün dostlar, tanışlar,
Onda mənə nə deyər.

Odur ki, çox həvəslə
Girişir hər bir işə,
Dilarə də məktəbdə
Əlaçıdır həmişə.

Elə bil ki, ana, qız
Bir-birilə yarışır.
Belə ana, belə qız,
Bir-birinə yaraşır.

**yurd sevan** · Tuesday 21 October 2008-1 05:37 PM

Armud
Görürsüzmü Mahmudu,
Necə yeyir armudu?
Qardaşı ona baxır,
Ağzının suyu axır.
Bıçaq verir Mahmuda,
Yalvarır: - Mənə də kəs.
Mahmudsa uda-uda
Gözlərini bərəldir.
Deyir: - Sən bilmirsən bəs
Armud cana zərərdir?

**yurd sevan** · Tuesday 21 October 2008-1 05:39 PM

Bağçamız
Bax, nə gözəl şirin-şirin barın var,
Armudun var, narıncın var, narın var!
Bizim kimi ayrılmaz dostların var!

Nəqərat:

Allı-güllü, sarmaşıqlı bağçamız,
Ey bəzəkli, yaraşıqlı bağçamız.

Gözləmirik təbiətdən mərhəmət,
Təslim olub o da bizə nəhayət.
Dostumuzdur azad əmək və zəhmət.

Nəqərat:

Qoruyuruq biz səni illər ilə,
Bəsləyirik zəhmətkeş əllər ilə.
Sulayırıq alnımızın tərilə.

Nəqərat.

**yurd sevan** · Tuesday 21 October 2008-1 05:40 PM

Balaca kapitan
Vannaya tökdüyüm su
Dəniz tək ləpələnir.
Mənim balaca gəmim
Gah qalxır, gah da enir.

Budur, fit verib bərkdən – dü!
Suları yara-yara.
Ayrılaraq sahildən – du!
Gedir çox uzaqlara.

Gəmi göyərtəsində
Dayanmışdır matroslar.
Onlara geydirmişəm
Qızıl düyməli paltar.

Ey matros! Möhkəm dayan – du!
Möhkəm saxla sükanı.
Bax, belə əmr eyləyir – du!
Gəminin kapitanı.

**yurd sevan** · Tuesday 21 October 2008-1 05:43 PM

Balaca neftçiyəm
Neftçidir mənim atam,
Işləyir yorulmadan
Xəzərin qucağında.
Döşündə nişanı var,
Onu hamı tanıyır
Abşeron torpağında.

Neft çıxarır sulardan,
Deyir: “Kərək hər insan
Bağlı olsun vətənə!”
Atamın bu sənəti,
Işinə məhəbbəti
Yaman xoş gəlir mənə.

Hərdən söz düşən zaman,
Ya bir qız, ya bir oğlan
Soruşur nəçiyəm mən?
Baxıb gülümsəyirəm,
Uşaqlara deyirəm:
“Balaca neftçiyəm mən”.

**yurd sevan** · Tuesday 21 October 2008-1 05:45 PM

Balaca ovçu
Səhər açılan kimi,
Götürdüm tüfəngimi.
Yol açdım göy meşəyə,
Baş çəkdim hər guşəyə.

Birdən səs eşitdim mən
Gördüm tülküdür gələn.
Dedim: - bir də yeməzsən
Toyuq-cücələri sən!
Tüfəngimi doldurdum,
Tülkünü vurdum.

Ceyran gördüm atmadım,
Dovşan gördüm atmadım...
Neçə təpədən aşdım,
Hər tərəfi dolaşdım.

Birdən səs eşitdim mən,
Gördüm boz qurdlar gələn.
Dedim: - Bir də yeməzsən
Qoyun-quzuları sən!
Tüfəngimi doldurdum
Boz qurdu vurdum.

**yurd sevan** · Tuesday 21 October 2008-1 05:47 PM

Bahar
Günəş doğdu,
Oyandı kənd.
Qızıl nura
Boyandı kənd.

Şəfəq düşdü
Narın-narın,
Üzərinə
Göy dağların.

Sürüləri
Yatağından,
Örüşlərə
Sürdü çoban.

Hamı çıxdı
Dəstə-dəstə,
Tarlalara
Bax, iş üstə.

Mövzu: Uşağlar mahnilari

LinkBack

Mövzu seçimləri

Display

Uşağlar mahnilari

Alma

Ana və qız

Armud

Bağçamız

Balaca kapitan

Balaca neftçiyəm

Balaca ovçu

Bahar

Visitors found this page by searching for:

yolka mahnisi

saxta baba mahnisi

Bölmədə hüquqlarınız