Mövzu: yaxşı və pis arvad

شعر بیرآز تغییراتلا یازیلیب اومودوم وار شاعیر اینجیمه سین

بیرکلمه یئرینه آرواد کلمه سی ایشله نیب او کلمه بیرآز موناسیب دگیلدی

تورکی شعر : ثعلبیه

اگر بنده ایشینده قیلسون انکار

خلاف ائتسه مناسب دور یئری وار

نه چون چوخ بنده چیخمیش بنده لیکدن

اولوب باشینا کول شرمنده لیکدن

دئینده حق سوزی ، حقه یامان دور

باشین سیلکر دئیرسن بس قابان دور

گئچیر دور عمری نه ذکری سپاسی

ناخیردان آیریلیب ائشّـک سوپاسی

بیری ظلمی بـیـلـیـر کـفـره بـرابـر

بیری نین ظلم اولوب شغلی سراسر

بیریسی نـیـن چکـر تعـقـیـبـی ظـهـره

بـیـری نـیـن دگمیبدور آلنی مهره

بیری وئـرمیش زکاتین حـق سـیـاقـی

بـیـری قـارون کیمی اللهه یاغی

بـیـریـسـی متصـل مـشـغـول تـهـلـیـل

وجـودیـنـی ائـدر پیوسته تکمیل

بیری نین شغلی یا غـیـبـتـدی ، بهتان

هـمـیـشـه دیلده ذکری لغو و هـذیان

دئـیـیـم بـئـش کـلـمـه آروادلار ایشیندن

شـریـعـت اهـلـی نین فـرمایـشـنـدن

بـیـریـسی وار حـیـاسـی وار ، حـجـابـی

ائـشـیـکـده اوزده روبـنـدی نـقـابـی

اریـنـه قـول کـیـمـی ائـیـلـر اطـاعـت

اره طـاعـت ، خـداونـده عـبـادت

اوزین سـاخـلار کـیـشی سینه دمـاغـلی

اونین یانیندا دورماز قاش قاباقـلی

کـیـشـی بـیـلـمـز اریـنـدن باشـقـا حـاشـا

کـه بـیـر نـامـحـرمـه ائـتـسـیـن تماشا

کـیـشـی ائـوده اولان وقـتـه بـزه کـلی

گـئـیـر تـازه لـبـاسـیـنـی دوزکـلـی

سـفـر ائـتـسـه اری ، سـیـلـکـر پـلاسـیـن

گـئـیـر اگـنـیـنه مستعمـل لـبـاسـیـن

گـوزونـه سـورمه چکـمز ، زیـنـت ائـتـمـز

ائـویـنـده اگله شر قونشویه گئتمز

قـنـاعـتـلـه گـئـچـیـردر روزگـاریـن

گـئـجـه گوندوز چکر اَر انتظارین

نـنـم اولـسـون بوجور آرواد تاپـیـلسا

نه یاخشی دور هامی ائولرده اولسا

بوجور آرواد تاپولسا یوخ قصوری

بونا آرواد دئمه حوریدی ؛ حوری

بیری نین عادتی اولموش اوز آچماق

کی هرگز گورمه ییب دور آغزی یاشماق

کیشی بیر سوز دئیه باخماز سوزینه

دورار خورتولانوری اوز اوزینه

اَرین مالینه هرگز جانی یانماز

خلاف ائیلر ، حیا ائتمز اوتانماز

ائدر بلکه پس انداز اَر مالیندان

اری اولماز خبردار احوالیندان

خیال ائیلر دئیر بلکه اَر اولدی

و یا بیر گون بوشادی، فارغ اولدی

کی، بلکه ائوده قالدیم دول الی بوش

اوگونلرده معاشیم خوش اولور خوش

خصوصاً یوز تومن ائتسم ذخیره

او وقته آرواد اولّام بیر امیره

ازل گوندن وورار بیر فال بد شوم

اَره ائیلر خیانت لیل و هم یوم

مکدّردی اری ائوده اولاندا

دماغی وار سفر عزمین قیلاندا

همین کی ، گئتدی ائودن بینوا ار

او ملعونه بونی اللّهدن ایستر

همان ساعت گئیر تازه لباسین

ائدر حاضر اودم زینت اساسین

اوزه کیرشان یاخار ، قاشینه وسمه

چالار تئل ، هم قیلار زولفونده کسمه

اوزون ساخلار شیغارلی مثل جینده

همیشه گؤزگوسی قولتوق جیبینده

یاخار انّـک ، ائدر زینت اوزینه

اوزین آلار چکر سورمه گوزینه

اوزینه اندیرر بیر بالا بیر چک

کمر چینین گئیر اگنینه گویچک

کی ، نامحرم گوروب آغزی سولانسین

دوشوب حسرتله دالیجه دولانسین

دئسین وای وای ، نه قاره قاش گؤزو وار

نه یاخشی عیشوه سی ، شیرین سوزی وار

خدایا پسته دور ، یوخ یوخ آغیز دور

بدن به به ، سمرقندی کاغیذ دور

نه گویچک تئللری وار گول دوداقی

کشیده قاشلاری ، قیرمیز یاناقی

نولایدی بوینونا بیر قول سالایدیم

اوزندن بیرجه دوزلو ماچ آلایدیم

بوجور آروادلارا مین لعن و نفرین

دئدیم من ، سیز دئیون آمین آمین

بو صورتده گرکدور نهی منکر

بحکم کردگار حیّ اکبر

روادور یاخشیا مین مدح و تحسین

گـرک بد ذاته ائتمک لعن و تهجین

شاعیر: ملامحمدباقر قره بلاغی

əllər var sağol vəhid bəy
imkani olsa latinində yaz göndər çünki şimali qandaşlarimiz başa düşmüllər.
tşk
yaşa