Mövzu: Bəxtiyar Vahabzadə vəfat etdi

Xalq şairi Bəxtiyar Vahabzadə 84 yaşında vəfat etdi.

Şair, dramaturq, alim, publisist, ictimai xadim Bəxtiyar Mahmud oğlu Vahabzadə 1925-ci ildə Şəki şəhərində anadan olub. Azərbaycanın xalq şairidir.
Azərbaycan ədəbiyyatının, bütövlükdə XX əsr Azərbaycan ədəbi fikrinin görkəmli nümayəndəsi olan Bəxtiyar Vahabzadənin adı təkcə respublikamızda deyil, onun hüdudlarından çox-çox uzaqlarda tanınır. Şairin əsərləri - şer kitabları, dramları və publisistik yazıları dünyanın bir çox dillərinə, o cümlədən ingilis, fransız, alman, fars, polyak, ispan, macar, keçmiş Sovetlər Birliyi xalqlarının dillərinə tərcümə edilib.
Bəxtiyar Vahabzadə 1934-cü ildə ailəsi ilə bərabər Bakıya köçüb. 1942-ci ildə orta məktəbi bitirib, Azərbaycan Dövlət Universitetinin filologiya fakültəsinə, 1947-ci ildə isə Universitetin nəzdində aspiranturaya qəbul olunub. 1951-ci ildə "S.Vurğunun lirikası" mövzusunda namizədlik, 1964-cü ildə isə "S.Vurğunun həyat və yaradıcılığı" mövzusunda doktorluq dissertasiyası müdafiə edib, filologiya elmləri doktoru alimlik dərəcəsi alıb.
Bəxtiyar Vahabzadə bədii yaradıcılığa İkinci Dünya Müharibəsi illərində başlayıb, 1945-ci ildə Yazıçılar İttifaqının üzvlüyünə qəbul olunub. Bədii yaradıcılıqla məşğul olmaqla yanaşı B.Vahabzadə 1940-cı ildən Universitetdə dərs deyib, 1990-cı ildə təqaüdə çıxıb. 1980-ci ildə Azərbaycan Elmlər Akademiyasının müxbir üzvü seçilib.
B.Vahabzadə 70-dən artıq şer kitabının, 2 monoqrafiyanın, 11 elmi publisist kitabın və yüzlərlə məqalənin müəllifidir. Bakı Akademik Dövlət Dram Teatrının səhnəsində onun "Vicdan", "İkinci səs", "Yağışdan sonra", "Yollara iz düşür", "Fəryad", "Hara gedir bu dünya?", "Özümüzü kəsən qılınc", "Cəzasız günah", "Dar ağacı" pyesləri tamaşaya qoyulub. O, tarixi və müasir mövzuda 20-dən artıq iri həcmli poemanın müəllifidir.
O, 1974-cü ildə əməkdar incəsənət xadimi adına, 1975-ci ildə respublika, 1984-cü ildə isə SSRİ Dövlət Mükafatlarına layiq görülüb. 1985-ci ildə ona Azərbaycanın xalq şairi fəxri adı verilib, 1995-ci ildə Azərbaycan xalqının milli azadlıq mübarizəsində xüsusi xidmətlərinə görə "İstiqlal" ordeni ilə təltif edilib.
Bədii, elmi, publisistik yaradıcılığını ictimai-siyasi fəaliyyətilə üzvi surətdə əlaqələndirən B.Vahabzadə 4 dəfə Azərbaycan Ali Sovetinə(1980-1995), 1 dəfə isə Azərbaycan Respublikası Milli Məclisinə millət vəkili seçilib (1995-2000).

BAŞIN SAĞOLSUN AZƏRBAYCAN!!!

Allah Rəhmət Eləsin
Məndə Azərbaycana və bütün Azərbaycanlılara və Türk dünyasına baş sağlıqı deyirəm.

Onun haqqında Azərbaycan Vikipediyasında:
[Forumda Tapılan Linkleri təkcə üzvlərimiz Görə bilər. ]
[Forumda Tapılan Linkleri təkcə üzvlərimiz Görə bilər. ]

böyük ustad Bəxtiyar Vahabzadənin vəfatı münasibətilə onu sevən hər kəsə, bütün türk
dünyasına və mərhumun ailəsinə başsağlığı deyirik. Allah rəhmət eləsin.

Məndə burdan öz növbəmdə bu ulu şairin dünyasini dəyişməsini bütün azərbaycanlilara və xususilə türk dünyasina baş sağliği deyirən


Bəxtiyar hələ ölməyib

Türkiyənin Adana şəhərində açılan Sosial Elmlər Litseyinə Türk Dünyasının böyük şairi Bəxtiyar Vahabzadənin adı verilib. [Forumda Tapılan Linkleri təkcə üzvlərimiz Görə bilər. ]–un ANSPRESS-ə istinadən yaydığı məlumata görə, bu barədə Türkiyənin
Təhsil naziri Hüseyn Çelik məlumat verib. Türkiyə Təhsil Nazirliyinin
ictimaiyyətlə əlaqələr departamentindən verilən açıqlamaya görə, Hüseyn
Çelik şairin vəfatı ilə əlaqədər yaydığı bəyanatında Bəxtiyar
Vahabzadənin Türk Dünyasının ən böyük şairlərindən biri olduğunu
bildirib:

''Başda azərbaycanlı dostlarımız
olmaqla Türk Dünyasına, ailəsinə və sevdiklərinə başsağlığı verirəm.
Mərhuma Allahdan rəhmət diləyirəm. Mərhum Bəxtiyar Vahabzadənin əziz
xatirəsini yaşatmaq üçün Adanada açdığımız və 2009-2010 təhsil ilindən
etibarən fəaliyyətə başlayacaq Sosial Elmlər Litseyinə Bəxtiyar
Vahabzadənin adını verdiyimizi bütün ictimaiyyətə bəyan edirəm''.
Xatırladaq ki, Azərbaycanın xalq şairi Bəxtiyar Vahabzadə uzun sürən
xəstəlikdən sonra 84 yaşında Bakıda öz evində dünyasını dəyişib. Şairlə
vida mərasimi dərs dediyi Bakı Dövlət Universitetində keçirilib. Xalq
şairi Birinci Fəxri Xiyabanda dəfn edilib.
Qaynaq : d-a-k.org

Bəxtiyar hələ ölməyib