Mövzu: Milli ruhlu seirler buraya

Mən...Sən...O...

Mən
Mən əsrlər qəhrəmanı adlı,şanlı bir Türkəm,
Sən sürüykən mən Asiyada mədəni dövlət qurdum.
Məğlublara inayətdə Şərqə,Qərbə ön oldum,
Zalım,qahir millətləri daim yaxan od oldum.

Sən
Sən daha dün əcdadımın ən adi bir köləsi
İkən,bu gün evladımı kəsən vəhşi bir cəllad...
Və sənsən dün,bu gün,yarın mədəniyyət kopyası,
İnsanlıqda "nazad"deyən qəlbi dolu bir fəsad.

O
Odur mənə həyat verən qüdrət,qüvvət,can verən,
Odur mənə əcdadımdan qalan ulu ərməğan.
Odur mənə bu dünyada şərəf verən,şan verən,
Odur,mənim bu qəlbimdə bir nur kibi parlayan;-
Müqəddəs Vətən...
Atilla
dekabr 1943

Əhməd Cavad

Çırpınırdın,Qara dəniz!

Çırpınırdın,Qara dəniz,
Baxıb Türkün bayrağına!
"Ah" deyərdin,heç ölməzdim,
Düşə bilsəm ayağına!

Ayrı düşmüş dost elindən,
İllər var ki,çarpar sinən!...
Vəfalıdır gəldi,gedən,
Yol ver Türkün bayrağına!

İncilər tök gəl yoluna,
Sırmalar səp sağ,soluna!
Fırtınalar dursun yana,
Salam Türkün bayrağına!

"Həmidiyyə"-o Türk qanı!
Heç birinin bitməz şanı!
"Kazbek"olsun ilk qurbanı!
Heyran Türkün bayrağına!

Dost elindən əsən yellər,
Bana şeir,salam söylər!
Olsun bizim bütün ellər
Qurban Türkün bayrağına!
Yol ver Türkün bayrağına!...