Marağalı Övhədi (1274-1338)

**Azerbaycan_Qizi** · Sunday 26 July 2009-1, 01:41 PM

Marağalı Övhədi (1274-1338)

Azərbaycan şairi və mütəfəkkiri Marağalı Övhədi Təbriz yaxınlığında Marağa şəhərində anadan olmuşdur. O, iyirmi ilədək İsfahanda yaşamış, Azərbaycanı, İranı, ərəb ölkələrini gəzmişdir. Övhədi, Nizami ədəbi məktəbinin yetirməsidir. Zəmanəsinin tanınmış şairlərindən olan Övhədi “Dəhnamə” , “ Cami-Cəm” poemalarının və on min beytlik divanın müəllifidir.
Övhədiyə görə, həyat, insan, və bitkilər günəşin hərəkəti sayəsində dörd ünsürdən əmələ gəlmişdir. Onun dünyagörüşünün formalaşmasına Fərabi, Biruni, İbn-Sina, Nəsrəddin Tusi və başqa alimlərlə yanaşı, Nizami və Xaqaninin böyük təsiri olmuşdur. Ədibin yaradıcılığı 13-14 –cü əsrlər Azərbaycan ictimai fikir tarixində mühüm yer tutur.

Elm öyrənmək haqqında
(Cami-Cəm poemasından )

Elm ağla yoldaşdır, sirdaşdır sana,
Hər yerdə hasardır sənin ruhuna.
Yuxulasan, başında o, oyaq durar,
Ölsən, varlığına odur yadigar.

Sən yemək istəsən, olar dəyirman,
Yol göstərən olar, yol getsən hər an.
Gövhəri sularda çürüyən deyil,
Odların içində əriyən deyil.

Yol getsən, qəlbinlə o, yoldaş olar.
Otursan, ruhundan olar xəbərdar.
Heç kəs torpaqlarda gizlədə bilməz,
Onu tufanlar da məhv edə bilməz.

Şah, sərhəng də kəsməz onun yolunu,
Oğru da bacarmaz aparsın onu.
Belə bir xəznəni qoyub hər zaman
Sən də arxasınca hey qaçmaqdasan.

Konu Bilgileri
	Konu Başlığı Marağalı Övhədi (1274-1338)	Konudaki Cevap Sayısı 0
	Şuan Bu Konuyu Görüntüleyenler	Görüntülenme Sayısı 242

Mövzu seçimləri
Çap versiyası E-poçtaya göndər
Görüntü seçimləri
Xətti Kombinasiya Şaxəli