Mövzu: Tapmacalar

ELm və texnika ilə bağlı tapmacalar


Ağ yerə toxum səpərlər
Açması: Yazı

***

Ağzı birdi, dili mindi,
Gah belə deyir, gah elə.
Açması: Qələm


***

Ağca atı nalladım,
Səmərqəndə yolladım.
Açması: Məktub


***

Arpa yemir, saman yemir,
Anqırır heyvan kimi.
Açması: Paravoz


***

Bir qapağı, Min yarpağı.
Açması: Kitab


***

Bir qarpızım var cığal
Üstünə dünya sığar.
Açması: Qlobus


***

Bir sehirli fanaram,
Kibritsiz də yanaram
Nə yerdə yox, nə göydə
Havadan sallanaram.
Açması: Elektrik lampası


***

Quş deyil qanadı var,
Quşlardan yeyin uçar.
Açması: Təyyarə


***

Dolanar bütün ərzi,
Aşar dağı, dənizi.
Gəzib göydə gecələr
Gəlib yerdə dincələr.
Açması: Kosmonavt


***

Gedir-gedir izi yox,
Kəsir-kəsir qanı yox.
Açması: Paraxod


***

O nədi ki, yeməyi benzindi,
Ayağı rezindi.
Açması: Avtomobil


***

Özü qara, sözü ağ.
Açması: Yazı lövhəsi


***

O nədi ki, içində qışdır,
Çölündə bahar.
Açması: Soyuducu

Meyvələrlə bağlı tapmacalar


Ağ uzatdım,
Al toxudum,
Qara sərdim
Açması: Böyürtkən


***

Ağac başında al yanaqlı qız
Açması: Alma



***

Ağac başında qırmızı qız.
Açması: Zoğal



***

Ağac başında qımro bitər.
Açması: Fındıq



***

Ağac başında sarı yemiş.
Açması: Xurma



***

Ağac başında sarı yumaq
Üstünə səpilib ağ sumaq.
Açması: Heyva


***

Bir yanı ağ,
Bir yanı al.
Ağzına al,
Dadı bal.
Açması: Şaftalı


***

Bir təndirim var iki çörək tutur.
Açması: Qoz


***

Qahqah qalası var bunun,
Qan pilayası var bunun,
Nə doğur, nə törəyir,
Pərvaz balası var bunun.
Açması: Çiyələk


***

Dağda bir qab aş yumarladım,
Dənəsi də yerə düşmədi.
Açması: Nar


***

İpsiz iynə, deşiksiz muncuq,
Allah düzər, adam üzər.
Açması: Üzüm


***

Heyva kimi sap sarı,
Nə heyvadı, nə darı.
Bir ağacdan dərərəm,
Ləzzətini görərəm.
Açması: Armud

Heyvanlarla bağlı tapmacalar


Avın alsan mırıldar,
Sığallasan xoruldar.
Açması: Pişik


***

Ağzı qara boz bəylər,
Vursan ağzın əyilər
Açması: Canavar


***

Ağızı var, dili olmaz,
Yüz ağac vur çığırmaz.
Açması: Balıq


***

Adam döyül, əl-ayağı, dişi var,
Əcəb şeydi, qərəvəllə işi var.
Açması: Meymun



***

Bağda sürünər gəzər,
Az-az görünər gəzər,
Oxşuyar bir yumağa
Qorxuram əl vurmağa.
Açması: Kirpi


***

Bir atım var minə bilmirəm.
Ağzın açsa dinə bilmirəm.
Açması: Şir


***

Bir axmaq öküzüm var,
İləndirib ət yeyər.
Açması: Ayı


***

Qaya altdan qaz gedər,
Burnun qulazlar gedər,
Bir il buğaya gələr,
Yeddi il boğaz gedər.
Açması: Fil


***

Qızılgül beçə verdi,
Sana gör neçə verdi?
Yarpaqsız ağac gördüm.
Torpaqsız beçə verdi
Açması: Maral buynuzu


***

Dağdan, qayadan aşar,
Pişik kimi dırmaşar.
İlan kimi sürünər,
Divardan bərk yapışar.
Açması: Kərtənkələ


***

Dik çıxanda ildırım,
Dik enəndə digirqoz.
Açması: Dovşan


***

Dilim-dilim nar,
Diziməcən qar,
Yeddi dananın gönü,
Bircə ayağıma dar.
Açması: Siçan


***

Yer altında yağlı küt.
Açması: Porsuq


***

O nədi ki, evə girməz,
Sədaqəti eldə gəzər.
Açması: İt

Ağaclarla bağlı tapmacalar


Aşmaz-uşmaz,
Yerə düşsə,
Beli sınmaz.
Açması: Yarpaq


***

Əyri-üyrü boy atar,
Əyağı yerə batar.
Salxım-salxım sallanar
Altında sarvan yatar.
Açması: Söyüd ağacı


***

İnəyim var eşikdədi,
Alı-ili eşikdədi,
İldə bir kərə sağılar.
Özü yenə eşikdədi.
Açması: Bağ


***

Uzanar, ha uzanar,
Qollarınnan balalar.
Açması: Ağaclar

Bostan və tərəvəz məhsulları bağlı tapmacalar


Alaca, ha bulaca,
Səpdirmişəm yamaca,
Düz dırmaşar ağaca.
Açması: Lobya


***

Anaxanım atlandı,
Qol-qanadı qatlandı.
Açması: Kələm


***

Babam oturub al çuxada,
Kim soyundursa gözü çıxar.
Açması: Soğan


***

Bağda bitər tağı yox,
Ha sıxarsan yağı yox.
Açması: Bibər


***

Bədəni yerdə,
Saqqalı göydə.
Açması: Turp


***

Bir damım var, qapısı yox.
Açması: Qarpız


***

Lalalar, ay lalalar,
Laladan piyalalar,
Qol-budağı çiçəklər,
Köklərindən balalar.
Açması: Kartof


***

Ləyənda, ay ləyəndə,
Gül boynunu əyəndi,
Yeyilər kal vaxtında,
Yemək olmaz dəyəndə.
Açması: Xiyar

Məmməd bəy şəkillərinə baxın biləcəksiz.


Paravoz



Qlobus-Globe



böyürtkən-Bbackberry



çiyələk-strawberries

bir tapmaca yaziram turkon şirin dilicə.
ono tapin nedir,


tap bo nedi tapmaca?
ayaqlari yapmaca
guzləri pyialaca

bo nədir?
oyan qala boyan qala
ortasinda sari maia