Mövzu: Gülşəni

Dəmbədəm sevdası eşqin əqlimi başdan qapar
Dönübən məcnuna andan oluram bən bixəbər
Eşq ilə rüsva məlamət olalı canım görən
Tən”edib der kim,məlamət görmədin bundan bətər

Şeyx İbrahim Gülşəni

Şeyx İbrahim bin məhəmməd bin Şəhabəddin Gülşəni XV əsrin tanınmış şairlərindən biridir.1427-ci ildə Bərdədə doğulmuş,hələ uşaq yaşlarından öz istedadı ilə başqa yoldaşlarından fərqilənmişdir.Gənc ikən Bərdədən Təbrizə gəlmiş,burada Dədə Rövşənin tələbəsi olmuşdurş”Xəlvətiyyə”sufi təriqətinin görkəmli nümayəndələrindən olan Rövşəni sonralar bu təriqətin”Rövşəniyyə” qolunu yaratmışdır.Yüz ildən artıq ömr sürümüş şair 1533-cü ildə Misridə vəfat etmişdir.Gülşəninin yaradıcılığı Azərbaycanca,Farsca,Ərəbcə yazdığı divanlardan,”Məsnəviyi-xəfi”və”Raznamə”məsnəvilərindən ibarətdir.

Ağlamaqdan gülməz imiş şad olub bir dəm qərib
Fikri-zikri olubanu dərd ilə ney dəm qərib

Vay əgər həsrətlə verəm canımı axır nəfəs
Görmədən sevdiklərimi dünyadan getsəm qərib

Sevnişir xəlqi cahanın ay görüb bayram içün
Yaşlı kimi qayğılıdır movt ilə ol dəm qərib

Dönübən sahib əzayə ün çökübən dərd ilə
Gözlərindən axıdırmış yaş yerinə dəm qərib

Ya ilahi,Rövşənidən ayrı zari-hüzn ilə
Gülşəni kimi cahanda olmasın adəm qərib

Nədir eşqindən özgə canım ey dust
Odur can ilə çün cananım,ey dust

Könül misrində Yusifdən əzizim
Sənin sevgin imiş sultanım,ey dust

Saçın küfrün görən iman üzündən
Bilir ol küfr ilə imanım,ey dust

Qiyamət vəchin imiş zahir oldu
Günəşdən aləmə bürhanım,ey dust

Bu gün yüzün görüb,danla deməzəm
Çü danladır bu gün durağum,ey dust

Xəlayiq həşrin istər nəşr içində
Qiyamətdən görəməz şanım,ey dust

Dəvasız dərdın içün Gülşəni der
Nədir can,vermədin dərmanım,ey dust