Mövzu: Qəbələ

Qəbələ - Azərbaycan Respublikasında rayon. İnzibati mərkəzi Qəbələ şəhəridir.

Əhalisi

Rayonun əhalisinin umumi sayı 93,056 nəfər (I.VII.2009) olub, 50,6 % kişilər 47086 nəfər, 49,4% 459740 nəfərini isə qadınlar təşkl edir.

Əhalinin 34,5 % 32123 nəfəri şəhər və qəsəbələrdə, 60933 nəfəri 65,5 % kəndlərdə yaşayır.

Rayon üzrə əhalinin sıxlığı 1 km 59,8 nəfər düşür. Təbii artım hər 1000 nəfərə 3,6 nəfər olub, orta ömür müddəti 70 ildən çoxdur. Yaşı 85-dən çox olan Qəbələ sakinlərinin sayı 186 nəfərdir.

Əhalisi çoxmillətli olub, Azərbaycanlılar ümumi əhalinin 78,1 %, ləzgilər 16,7% udilər 4,8 %, digər azsaylı xalqlar isə 0,4 % təşkil edir.


Tarixi

Qəbələ rayonu indiki rayon mərkəzindən 20 km cənub-qərbdə yerləşən IX əsrdə Qafqaz Albaniyasının paytaxtı olmuş Qədim Qəbələ şəhərinin adını daşıyır. Qədim Qəbələ dünyanın Babil, Troya, Pompey kimi qədim və məşhur şəhərlərilə müqayisə ediləcək dərəcədə mühüm, siyasi-iqtisadi və ticarət mərkəzlərindən biri olmuşdur.
1959-cu ildən müntəzəm qazıntı aparan Qəbələ arxeoloji ekspedisiyası şəhərin daha qədim və böyük hissəsini aşkara çıxardı və buranın e.ə. IV - b.e. I əsrlərinə aid olduğunu müəyyənləşdirdi. Müxtəlif tarixi hadisələrlə əlaqədar şəhər bir neçə dəfə dağıntılara məruz qalmışdır. Eramızdan əvvəl 60-cı illərdə Roma qoşunları Albaniyaya hücum etsələr də, Qəbələni işğal edə bilməmişlər. Sasanilər dövründə Qəbələ çox böyük ticarət və sənətkarlıq mərkəzi olmuşdur. Xilafət dövründə də Qəbələ ticarət və sənətkarlıq mərkəzi kimi əhəmiyyətini qoruyub saxlamışdır. XIII əsrdə monqolların hücumu zamanı Qəbələ tənəzzülə uğrasa da, sonralar yenidən dirçəlmişdir.
XVIII əsrin ortalarında Qəbələ öz əvvəlki əzəmət və əhəmiyyətini itirmiş, əhali tədricən buradan köçmüşdür. Bu vaxt Qəbələ ərazisində kiçik feodal dövləti olan Qutqaşen sultanlığı yaradılmışdır. Qutqaşen sonralar mahal kimi Şəki xanlığının tərkibinə daxil olmuş, Şəki xanlarının təyin etdiyi naiblər tərəfindən idarə edilmişdir. Şəki xanlığının süqutundan sonra Qutqaşen mahal kimi Şəki qəzasının tərkibinə daxil olmuşdur. 1930-cu ildə Qutqaşen rayonu yaradılmışdır. 1991-ci ilin martında rayonun adı dəyişdirilərək rayon ərazisində yerləşən qədim Qəbələ şəhərinin adı ilə adlanmışdır.

Bobi tərəfindən

Boz kurt qardaş rəsimlər üçün sağol.... Qəbələnin tərifin çox eşitmişəm... bir gün orani görmək istirəm

İnşallah görərsiz Bobi bəy...Gözüm üstündə yeriniz var!

Azərbaycanım tərəfindən

Qəbələdə yay istirahətində olmuşam.Çox gözəl şəhərdir.

Azərbaycanım siz Qəbələdə neçənci ildə olmusuz?Son 2-3 ildə buraları tamam dəyişiblər...

olmaq istədiyim yerlərdən biridir.

Paylaşmanın üçün çox sağ ol!