Mövzu: شعر تورکی,تورکی شعرلر

عشق بایاتی لاری ( بایاتی‌های عاشقانه)




گولو دردیم تاباغا
صبر ائله دیم ساباحا
یاریما قوناق گئتدیم
دوروب چیخدی قاباغا


گل رو چیدم تو بشقاب
صبر کردم تا فردا
مهمان یارم شدم
آمد به پیشواز من

گؤزلرینه باخماسام
گؤز نه ییمه گرک دیر
آدینی چکمز اولسام
دیل نه ییمه گرک دیر

بیل کی عمروم تزه لنر
سنی بیرده گؤره بیلسم
باغچا – باغچا قوشلار دینر
سنی بیرده گؤره بیلسم

هیچ سنبل سنبل زولفین کیمی مشکین دئییل
نافه چینی ساچین تک دئرلر اما چین دئییل
وار گل برگین ده الحق نزاکت بیرله رنگ
لیک جان پرور لب لعلین کیمی شیرین دئییل

نیلسون مجنون بو درد عشقه لیلا نیلسین

یانماسین عاشیق بو نار عشقه آیا نیلسین

شیرینون شیریلیقی معناسی وا.... عشقدور

ویرماسون فرهاد کولنگی باشدا سودا نیلسین

عشق بیر افسانه دور هئچ سرینی یوخدور بلن

شور باشدا اولماسون دیوانه دانا نیلسین

عشق بیر اودور اونون یاندیرماقی جان پایلیار

یانسا قلبی وامقون هجراندا عذرا نیلسین

اولماسا دیوانه عاشیق هئچ بولونمز قیمتی

بیلمز هئچ عشق ایلینده خوار و رسوا نیلسین

اولماسیدی عشق بو عالمده اولمازدی حیات

اولماسا بیر سینه ده گر عشق آیا نیلسین

قورتاروب صبریم داها غم چالخیور صاقدان صولا

توکمسون قان یاشی گوز رخساره جانا نیلسین

یاندی قلبیم منده اولدوم ماهرولر عاشیقی

سنماسین باش کاسه سی بو قال ماقالدا نیلسین

باشدا گر شور اولماسا عشق اولدور خوار ایلیر

عشق رسوالیق سالور یوخسا زلیخا نیلسین

آپارما قافله نی سرعتیله گئتمه دایان

ائشیتمیسیز سسیمی اولمیا کی واردی قالان

بیز آزجا صبر ایلیون من یاواش یاواش گلیرم

اماندی ایلمیون آیریلیقلا قلبیمی قان

آیاقدا گلمسه روحوم قاناد ویریب گله جاق

گوزتلییون منیده سیز گئدن یولا قوربان

محبت عالمینین من اسیریم نیلیم

یارین فراقی ایدیب عالمی منه زندان

آپارماسوز منی بزم یگاره آغلییارام

آخار دنیزلری گوزیاشیم ایلیر حیران

نقدر جاندا جانیم وار دی یارین عاشقیم

بیزیمده وار آرامیزدا صفالی بیر پیمان

گوزتلییون منی من باشوزه تصدق اولوم

بو وصل تشنه سینه قطره ایلیون احسان

مرضی دردی بدندن بدر ایلر سرعین

سنی بیر عمرگوزل بختور ایلر سرعین

ایلده بیر دفعه گلوب چیم گوزلیم بو سولارا

نظر ایله بو گلستاندا گزن آهو لارا

حُسنیده حوری غلمان چاتا بیلمز بو لارا

سنی عمرونده مبارک نظر ایلر سرعین

سرعین ذوق صفا سیروسیاحت یردی

خوش پذیرالیق ایلر خلقه ضیافت یردی

گزملی سویملی تفریح وظرافت یردی

غموی غصه وی دلدن بدر ایلر سرعین

سرعین گُللر آچوب رنگ به رنگ ایگلمه لی

دسته دسته بالا جیرانلاری وار ایستمه لی

سوبای السون سنی خونین جگر ایلر سرعین

هر نه شدٌ تلی مرض وار سرعین ایلر علاج

اودی کی ای بالا بازاری تاپوب بیله رواج

بیر تومن مرحمت ایت عکسوی سالسین فتوراج

سنی بیر عکسیله خوش مفتخر ایلر سرعین

(ساری سو)راحت ایدیر جمله مرضدن بدنی

(قره سو) بیل قره گوندن ایدر آسوده سنی

(ژنرال)آی بالا مرمر تک آغاردار قره نی

دوش (گامشلار گولونه)گور نه لر ایلر سرعین

چیمه سن (بش باجیلاردا)گوره سن لذّتینی

توکه سن (قهوه سویوندا)جانوین زحمتینی

گیت(پهینلی سویا) چکمه حکیمون منّتینی

پینییسلیندن سنه آرتوق اثر ایلر سرعین

(بیله دره)سویون ایچ معدوه درماندی او سو

اونا چاتماز کوکا کولا کاندا پپسی اسو

خور گون سندیری آبگوشت ییه سن آلتی طوسو

بله فکر ایلمه خرجون هدر ایلر سرعین

ای کریمی بالا سن اُت سرعیندن نظرون

سنه یوخ فایده سی پهلوینون رامسرون

گیت چورک فکرینه دوش یوخدی خبردن خبرون

کاسبا پولسوزا یولداش ضرر ایلر سرعین

بازنویسی شده از کتاب رنگارنگ

نوشته حاج میرزا حسین کریمی مراغه ای

سيرريمی تانرييا آچديمسا منی دينله‌مدی
درديمی داغلارا تؤکدومسه ‌ده هئچ اينله‌مدی

گئجه يه اوز چئويررکن منی بوغدو نفسی
گلدی شئعرين ملکی٬ درديمه درمان ائله‌دی

آخشام باشى ناخيرينان گلنده
قوْدوخلارى چکيب ، ووراديق بنده
ناخير گئچيب ، گئديب ، يئتنده کنده
حيوانلارى چيلپاق مينيب ، قوْوارديق
سؤز چيخسايدى ، سينه گريب ، سوْوارديق


ترجمه فارسی:
وقتِ غروب و آمدنِ گلّة دَواب
در بندِ ماست کُرّة خرها به پيچ و تاب
گلّه رسيده در ده و رفته است آفتاب
بر پشتِ کرّه ، کرّه سوارانِ دِه نگر
جز گريه چيست حاصل اين کار ؟ بهْ نگر

منيم آتام سفره لى بير کيشييدى
ائل اليندن توتماق اوْنون ايشييدى
گؤزللرين آخره قالميشييدى
اوْننان سوْرا دؤنرگه لر دؤنوْبلر
محبّتين چيراخلارى سؤنوْبلر

ترجمه فارسی:
آن سفره هاى باز پدر ياد کردنى است
آن ياريش به ايل من انشا کردنى است
روحش به ياد نيکى او شاد کردنى است
وارونه گشت بعدِ پدر کار روزگار
خاموش شد چراغ محبت در اين ديار